暖笠笠嘅美人鍋雞湯😌😋 🔅冬甫美人鍋(雞湯)🔅 。 天氣凍真係日日都想打邊爐😆今次到九龍城同朋友們同撈同煲下😂 。 怕打邊爐會熱氣，叫左個好養生嘅美人湯底，有半邊鮮雞😍仲有紅棗枸杞桃膠同大量瓜菜，桃膠份量都幾多同大大粒♥️ 湯底飲落清甜好暖身，飲左兩三碗食埋雞肉先開始打邊爐～ 。 成班食肉獸點左極級本地手切牛，牛味濃郁幾嫩滑，可惜份量較少🙊 四個人分一碟唔夠食😕 價錢亦較貴 炸響鈴夠脆身，浸一浸食得吸哂湯汁好正！ 蟹籽蝦滑蝦味唔算好重但好彈牙，味道可以👍🏻 同湯底好襯嘅養顏美人餃幾特別，有椰菜豬肉同桃膠係裡面，咬落多汁好好食😋 。 依度有招牌甜品懷舊糖不甩，賣相幾得意！係一條鯉魚形狀，好似細個食過嘅年糕鯉魚一樣～ 店員會將糖不甩係湯度煮一煮，再切件撈埋花生糖碎上碟，食落鹹鹹甜甜味道幾特別😛 如果湯底係辣嘅，咪變左辣糖不甩？😂 另外送嘅花奶啫喱有細個食個陣嘅感覺～仲有把靚靚摺摭😆 。 飲品方面啤酒用戰鬥碗飲好得意～仲有自家製冬瓜薏米水同山楂紫具天葵好好飲😋 如果唔用膠樽環保啲比較好 。 牆身有好多插畫關於舊式香港，牙籤筒係個消防喉好得意～一邊食一邊聽住八九十年代歌，好有懷舊氣氛，門口嘅霓虹燈管店名好搶眼～可惜唔記得影🙈 其實去九龍城唔一定食泰菜嘅，打邊爐都係唔錯選擇～ . . . 食物：🌟🌟🌟🌟🌟🌟 環境：🌟🌟🌟🌟🌟🌟 . 📍同撈同煲 。 九龍城打鼓嶺道70-72號地鋪 . ———————————————————————— 歡迎DM分享美食🤤🍽 想知有咩好食？留意 #handsup拍住食 啦🙋🏻 . #九龍城 #打邊爐 #同撈同煲 九龍城同撈同煲火鍋 . ▫️ #handsup_九龍城 ▫️ #handsup_香港菜 ▫️ #handsup_打邊爐 ———————————————————————— .